Author Archives: Igon Doco

Baken tako et ubpay safe isnan mismo ay ili tako! Shana nan kanan nan esa ay ina id Bangaan, Sagada

Nov. 22,2013-“Baken tako et safe isnan mismo ay ili tako” kanan Vicky Wanget Freancisco isnan panikitongtong ken siya maipanggep isnan nangiholdan nan popolis ya sosoldado isnan anak na, ay si Mark Ian Wanget, nan besat na ay si Ernesto Fransisco Jr. Ya pito pay ay residente id Northern Sagada.
Segun isken Vicky Wanget Fransisco, Pinarebwat na da Mark Ian ken Ernesto ay umey men-awit isnan kaiw dadapay ilan nan kinarbon ay uling id Lesnadan, Palidan, Sagada isdin November 13 isnan oras di alas kwatro ymedya isnan wakgat.
Expectaren Vicky ay sumaa da isnan alas siyete ay mangan ta sadat umey maki-oskila, ngem umalas siyete emedia dapay maid da paylaeng.
Gapu tay maid da isnan maexpectar ay oras, inmey inilan Vicky daida isnan oras di alassiyete emedia, danat datngan daida ay wada isnan iman nan popolis ya sosoldado.
Insaan Vicky nan anak nay a nan innudi na isnan oras di alas otso emedia.
Segun isnan istoryan Vicky, isnan nangalaan nan popolis ya sosoldado anak ya besat na, inala da nan cellphone da ya nan gamig da, dadat inpakaan nan butas da, dadapay imbistigalen daida, sadapay palukbuben daida is agarup esa ay oras. Nan kakailiyan da ay kadwa da et wada nan tinutokan da is paltog habang maim-imbestigar.
Kanana pay, manipud isdi et kanega nakikibtot paylang nan 2 ay ongong-a, no mamingsan pay et tulala da. No kakali daida no mamingsan et kaneg maid dinnge da, awni ta gen-am daida sadat men aa.
Kanan nan esa ay umili id North, Ya, ay kanan tako et mo popolis ya ssoldado et daida nan mangprotectar isnan sibilyan ya, ay ngan daida et obpay nan mangkibtot ya mangpaegyat ken datako.(Igon Doco)

Siyam (9) ay Residente id Northern Sagada, Inhold Di Sosoldado is Nasurok Ay Esa ay Oras

November 22,2013-Siyam ay ipugao ay residente id Northern Sagada nan inhold di Sosoldo id Lesnadan Palidan, Palidan, Sagada issan November 13, oras di alas siyete enggana alas otso isnan Agsapa.
Datona da Mr. Lester Stewart, Mark Ian Wanget 12 years old, Ernesto Fransisco Jr, !8 years old, Mr. Langbay Suyon, 50 years old, Rodel Suyon, 16 years old, Mariano Alya, Albert Alya, ya si Valentine Bakakew.
Datona ay ipugao et namigat ay umey kuma manga-iw, wada nan umey ala is uling ay kinarbon da, menpastol, wenno lumukso.
Nasdaaw da idi wada nan mang-ayag ken daida et enda ipunok daida isnan kakailiyan da ay inmuna ay inayagan da.
Segun isnan kinaistolya isnan siyam ay naayda et inurnong da daida dadat alan nan ngadngadan da dadapay men anap is id da, sootenda no intoy daan unno intoy kampon di NPA.
Inala da nan cellphones no wada kaskada gamig da. Nan kib-a da et natutukan is paltog, napalukbob is agarup esa ay oras dadapy maimbe-imbestigar. Nan tapina et pinakaan da nan butas da.
Segun gedan isnan respondents tako, nan nang-urnong isnan ipugao ay naayda et miyembros nan PNP ay nakabase id Bontoc, Mt. Province ngem adi da kayat ay ibaga nan ngadan da, ya nan kikib-a da et nakabonnet da, adi da kayat ay maimatunan. (IIgon Doco)

Umuna ay foundation dayn di Balugan National High School naselebrar issan Oct, 18-19

Sinelebrar nan oskila, mimistala am-a ya in-an nan oskila ya nan umili id Bugang nan umuna ay foundation day nan Peg-an National High School.
Nan teman nan makmakwani en umuna ay foundation day et: “Partnership, an Index to Development”.
Segun isnan Mimistala id Peg-an, Nan makmakwani ay oskilaan et nalukatan isdin 2006 gapu isnan panagtitinnulong nan umili id Bugang, nan Mimistala ya mimistolo id Angkileng National High School, nan Sagada LGU ya nan Dep ED.
Naluktan sha kas Angkileng National High School, Peg-an Branch. Ngem idwani et singin nan Ankileng National High School, isunga nin balin sha ay Balugan National High School.
Issan Oct. 18 et nailugi nan ocasyon babaen isnan esa ay misa, dat naituloy isnan pabpabuyan nan oskila ya parents da nin –ibingay gedan nan nagapu isnan comunidad is tradional ay panagkanta ay kaneg nan makmakwani en “dad-at, Day-eng, ya sug-oy.”
Sinmaruno nan panag-ay ayam is bulbula kalpasan nan programa. (Igon Doco)

Center for possibilities Foundation, Nin ited is tulon isnan Persons with Disabilities ya 2 ay oskilaan isna Sagada

Inmali nan Membros nan Center for Posibilities Foundation ay ninpasyal dadapay nin ited is sag 500 pesos isnan person with disabilities.

Oct. 7, 2013-Nan grupo ay nay et indauluan da Miss Dolores Cheng ken Miss Cynthia Gonzales.

19 ay ungonga ay wada nan disability da nan naagtan, ay nagapu isnan natkenatken ay barangay nan Sagada.

Kalpasan nan nakigagyaman da isnan persons with disability id Municipal multi-purpose hall, Inmey da id Angkileng Elementary School ay nin ited is libro para isnan Day care, Kinder ya grades 1-3.

Sha gedan nan iikkan da id Aguid Elementary school is masdem.

Nan project nan Center for Posibilities Foundation ay nay isnan Sagada et in coordination with Mrs. Janice Gulian, kadwa na nan magapu isnan SEGA ya SAGGAS. (Igon Doco)

SACGPO GA, Naikkan dadlo issan Sept. 30, kalpasan nan ado ay panakapostpone na

Kalpasan nan naming ado ay panakapospoe nan General Assemlin nan Sagada Arabica Coffee Growers and Processors Organization (SACGPO).
Isnan makmakwani ay assembly et naistorya no kas-ano ay nawada nan SACGPO ya nan nindaanana, enggana id wani ay menproprocess et is kapi, laksid isnan ado-ado ay reports, Kinarit nan Opisinan di agriculturist isnan Sagada Babaen ken Madam Maria Ap-apid nan membros di SACGPO ay mangset isnan kapi da dadapay paaduen nan mula da tapno wada maiprocess ya ta gumaget abes nan (OMAG) Office of the Municipal Agriculturist ay men- anap is bumadang par isnan gumawisan nan coffee production isnan Sagada.
Kinwanin pay Mrs. Ap-apid ay ado nan manglayad ay tumulong ngem kasapulan garud ay gumaget nan producers ay mang-eset isnan kapi. (Igon Doco)

Trek to protect our nature, our culture, our future, Maisayangkat no Oct. 3-4

Maiyaramid ti maysa kadagiti tinawen nga actibidad ti Sagada Environmental Guides Association inton (SEGA) Oct. 3-4.
Daytoy ket ti panagpasyar kadagiti banbantay tapno ammuen dagiti mayat nga pagnaan ken mayat nga ipakita kadagiti tourista.
Dagiti banbantay nga mapasyar iti nasao nga trek ket ti Bantay Tinangdanan, Binandilaan ken
Kas gagangay nga ar-aramiden ti SEGA tunggal annual climb ket ti agmula da kadagiti kaykayo iti banbantay (tree planting).
Daytoy ket kas panangipatungpal iti panggep ti grupo nga panang protektar ken panangipreserba iti aglawlaw.
Ita a tawen, kas parte ti daytoy metlaeng nga actibidad ket dumagas dagiti trekers iti tallo nga pagadalan tapno ited dagiti nasolicit da nga art materials para iti primary grades.
Dagitoy nga pagadalan ket idiay Balugan elm. School, Gutang Elm. School ken Maket-an Elm. School.
Mainayon pay ditoy ti Banguitan Elm. School idiay Besao ngem sabalin to nga aldaw ti papanan da idiay Banguitan
Laksid iti panangiyawat kadagiti art materials, agited metlaeng dagiti trekers iti maimula nga caliandra, ken aglecture da biit kadagiti pagadalan maipanggep iti solid waste management ken panag-aywan iti aglawlaw.
Segun kinni Jerry Gaongen, president ti SEGA, kaspulan nga ipasegepsep ti importansya ti panag aywan iti aglawlaw kadagiti ubbing gapu ta isu da ti mangituloy iti panangprotekta ken panangipreserba iti aglawlaw ken masakbayan tayo. (Igon Doco)

United Nation’s Indigenous People’s Day, Maselebrar Babaen Isnan Google Mapping Isna Sagada

Aug. 9- International Indigenous People’s Day- Selebraren nan Google Developer group babaen isnan panangimapa isnan cultural sites di Indigenous Peoples (IP) isnan uneg nan comunidad di Sagada.

Nadagup nan tapin di taga sentro Sagada id Treasure Link hall id kawni ay agsapa tapno adalen no kas-ano ay men usar isnan Google Map Maker, ta dadat itapi isnan mapan nan Sagada nan tapin di cultural sites ay kaneg nan babawiyan, patpatayan, nan dapdap-ay, ya nan mailaklakowan nan produkton di i-Sagada ay kaneg nan linaga, dinamili, inabe, inukitan ay kaiw ya tapina pay.

Segun isken Theofrenz Cayambas, lima ay grupon di Indigenous Peoples isnan intero ay Pilipinas nan nangselebrar isnan United Nations Indigenous People’s day babaen isnan panangimapa isnan wasdin da cultural sites. (Igon Doco)

Reforestation Projects id Sagada, Madama ay ay maipatpatungpal

Aug. 9,2013-Madama nan tree planting, ya staking isnan watershed areas di Barangay Patay, Sagada.
Nan emplementation et ik-ikkan nan Beekeepers Association of Sagada kas panangipatungpal isnan reforestation project di CHARMP 2 ya nan KABAKIRAN Organization.
Nailugi nan tree planting activities isdin buwan di Julyo id wani ay tawen, ken taget ay maipalpas isnan tapos di Agosto.
Segun isnan miyembros nan BeeKAS, mamin duwa isnan makadomingo nan umayan da menmulaan tapno malpas sapay mentapos nan Agosto. (Igon Doco)

Artificial Insemination Para Nuwang Isna Sagada, Madama ay maik-ikkan id South Central Sagada

Aug. 9,2013-Madama ay maik-ikkan nan artificial insemination nan 9 ay nuwang id Balugan, Sagada para isnan Nuwang.
Nainduce nan 9 ay nuwang d ii-Pide ya I-Bugang isdin Lunes, Aug, 5, kalpasan nan artificial insemination nan 3 ay nuwang di i-Patay, Sagada id ken Gedeng, ay nan technician et si Mr Abe Dugui-is isnan Provincial veterinary office .
Nan AI ay naay et actibidad nan Sagada Livestock and Poultry Raisers Association in partnership with the Provincial veterinary office, ya nan Opisinan nan municipal agriculturist. (Igon Doco)

Sagada livestock and poultry raisers Association nakaala is 15 ay kalding

Aug. 9,2013-Sinab-at nan nan 15 ay miyembros nan Sagada Livestock and Poultry Raisers Association issan Aug. 6,2013 nan 15 ay babai ay kalding (doe) ay menpoonan da tapno menpaado.

Nan kalding ay naayda et nagapu isnan Department of Agriculture Isnan rehiyon Cordillera.

Dispursal datona, et nan umuna ay 15 ay nin recipients et esa da abes men pass on is sag 5 months old ay kalding, segunda ay anak nan inala da issan 5.

Nan makmakwani ay kalding ay naayda et 75% high breed ya 25% native.

Inmey sinundon nan presidenten nan assosaysyon, ay si Rose Ann Pageet, kadwana si dati ay counsilor Dennis Lopes id Green Valley, Baguio issan Aug. 5,2013 datona.

Malaksid isnan 15 ay kadatdateng ay Kalding, wada gedan nan 3 ay ay lalaki (buck) ay dinmateng isdin Mayo id wani ay tawen ay pala edam.

Nan 3 ay buck ay naayda et nagapu isken Governor Leonard Mayaen. (Igon Doco)