Sigun isken director Norberto Cobaldes isnan Department of Science and Technology, pilot project nan Mountain Province (MP) isnan project ay Science and Technology for Economic Advancement for Municipalities (STEAM).
No apay nga napili nan MP ay pilot project isnan rehiyon Cordillera isnan projects di STEAM, gapu tay agresibu nan ipugao para isnan panangiyabante isnan panagdur-as, natalna nan ili, ken nalaka ay matuytuya nan ipugao. Sha na nan kinwanin Mr. Cobaldes isnan interview ken sha id Kub-a isnan meeting di Provincial Agriculture and fisheries council is Shomrock Tavern isna Sagada.
Shana et dinesisyonan nan kameng di DOST id region ken inrecomend Mr. Cobaldes.
Nan projects nan STEAM et maavail babaen isnan panangisubmitar is project proposals ay maidaan isnan Local Gov’t Units.

Inalan Osenyo Lay-os nan award ay first runner up kas “Magsasakang Siyentista” isnan intero ay Pilipinas para isnan tawen ay 2012.
Isnan meeting nan Provincial Agriculture and Fisheries Council isna Sagada id ShomrocK Tavern, Inyawat da Director Norberto Cobaldes ay nagapu isnan Department of Science and Technology, ya si Mr. John Likigan ay Provincial Agriculturist Nan award Osenyo Lay-os ay plaque.
Kasta met ay inalan nan Sagada Fits Center nan paliso ay award para isnan institusyon. Nan plaque et naiyawat abes isken Miss Maria Ap-apid, sha nan municipal Agriculturist isnan Sagada.

Inmey kasin nin purga nan nagapu isnan Provincial Veterenary office, municipal Agriculture office, ya nan Sagada Livestock and Poultry Raisers Association is baka, Nuang ya kalding id kub-a y ad kawni.

Nan panagpurga ay nay et nairugi issan January, ay nakapurgaan nan nasulok epatpoo ay dadakkel ay animal id Madongo, id Dugo, ya id Kalignuwan, ya id Suyo.

Nan inmayan da id kub-a et Balugan, idwani et inmey da id Demang. Id wani ay agew et sha abes nan inmayan da id Demang.

Awnit to kasin maiskedyul nan panag e-ey da isnan tapin di parten nan munisipyo ay Sagada.

Nan proyecto ay nay ay panag purge isnan dadakkel ay animals et esa isnan programan nan Sagada Livestock and Poultry Raisers Association ay idadauluan Rose Anne Pegeet.

Nan Sagada Arabica Coffee Council et posible ay umuna ay masertifyan ay organic coffee producer isnan intero ay Pilipinas.

Sigon isnan nagapu isnan OCCP wenno Organic Certification Center of the Philippines, nan Sagada Arabica Coffee Growers (SACC) paylang nan umuna ay maagtan is certificate no malpas nan epat ay training ay kasapulan sapay maited nan certificate

Isnan napalabas ay 3 ay agew, nadagup kasin nan membros di SACC tapno lagipen nan napalabas ay kayat nan organisasyon.

Datuna nan panag produce is organic coffee isnan municipyo tapno makatulong isnan batawa ya nan was-in da pamilya.

Esang gedan isnan kayten nan SACC ay gun-oden et macertifyan ay organic coffee producers, tapno masigurado ay oganic nan kape.

Umey mendalos nan membros nan Sagada Genuine Guides Association (SAGGAS) id wani ay agew isnan tourist destinations isna sentro sagada id wani.

Segun isken Gareth Likigan, esa ay founding member nan SAGGAS, napagkatlo nan SAGGAS isnan panagdalus tapno ad-ado nan madalusan isnan mabibiit ay panawen.

Nan ibugang ay membros nan Org. Et umey da mendalos, manipud id Ambasing- Ampacao- Lake-Danum.

Nan grupon di dagdag, demang ya Patay et biyang da nan Mission compound, Echo Valley, Underground River, Bokong Falls ya Kiltepan View Point.

Nan grupon di I-Nagwab et biyang da abes nan Sumaging Cave ya cave connection.

February 14, 2013

Naangay ti umuna nga nga general assembly ti ili nga LAGAT ita nga aldaw idiay Agawa, Besao. Daytoy nga general assembly ket tapno mavalidate ti trinabaho/ imbestigasyon  ti FBI Team mainaig iti proposed wind farm nga maipatakder idiay Langsayan Ridge, nga nagbaetan ti Sagada ken Besao.

T i daloy ti programa ket, kalpasan ti registration dagiti amin nga tinmabuno, sinmaruno ti panagluwalo, panaki-am-ammo dagiti amin, overview ti assembly kas parte ti FPIC process, sinmaruno ti Open forum, presentasyon ti FBI Report; plenary; tapos naala dagiti mensahe manipud kadagiti umili.

Jan. 7, 2013

Amam-an di i-Kilong, ya i-Tetep-an ay mangistolya isnan inkakkan nan daga id kiltepan, manipud id kasin ay okan di umili ay taga Eastern Sagada, dat mailako isnan pribado ay ipugao.