Namindua nga nasaelbrar ti International womens day ditoy Sagada, daytoy ket idi kalman, Marso 10 nga inhost ti Inayan Watch, maysa nga organisasyon dagiti babbai ditoy Sagada.
Daytoy ket naangay idiay Church of St. Mary the Virgin, nga addaan tema nga Bikas, pigsa ya ulnos di umili, kasapulan isnan panangkawan isnan karbengan di ungong-a ya bababai. Daytoy ket inatendaran dagiti agapup 90 nga babbai ken women advocates nga lallaki.
Ti nasao nga selebrasyon ket naginnadal dagiti tinmabuno kadagiti nagduduma nga innadal mainaig iti pakaseknan dagiti babbai a kas iti politka ti panagbalbaliw, ti rice tarrification law nga segun iti nagibingay ket mangpatay iti industria ti bagas iti pagilian nga pilipinas ken karu nga mangparigat kadagiti umili nga Pilipino, particular kadagiti inna nga kangrunaan nga agproblema no awan ti maisaang na nga kanen ti pamilya na, ken kangrunaan nga agproblema no kastno na nga binnaten ti budget tapno makaanay enggana iti sumaruno nga sweldo, ken dadduma pay nga topiko nga pakaseknan dagiti babbai.
Ti maikadwa ket naangay itay agsapa idiay munisipyo nga inatendaran metlaeng ti ado nga bilang dagiti babbai iti intero nga Sagada, nga inorganisa ti Municipal Social Welfare and Development ditoy Sagada.
Daytoy ket naiparugi iti maysa nga parade nga nagrugi idiay sanga ti St. Theodore’s Hospital enggana iti sango ti munisipyo no sadinno nga naangay ti maysa nga programa, ken naituloy babaen ti maysa nga forum idiay top floor ti munisipyo.