Feb.22- Probleman nan ipugao nan kinakurang di makan ay bagas, amed tay nay datdat mabe-as nan tapin di paypayew.
Kanan nan tapin di ipugao en nan gapu no apay nga adi masama nan tapin ti payew et gapu isnan saktoto ya nan dadakkel ay keang.
Segun isnan esa ay mannalon id Takkong, Sagada, tet-ewa ay gapu isnan saktoto nan esa ay kadakkelan ay gapu nan adi masamaan nan tapin di payew gapu tay ipangaton nan saktoto nan luta et umuneg nan danum isnan payew. Adi et sumabang nan payew gapu isnan keang, umanay ay sumadutan nan mannalon et mabeas nan payew.
Kinwani na gedan ay nan danum et shang na nan bumala ay danum isunga baken is rason no apay nga adi kasama nan tapin di payew.