Trek to protect our nature, our culture, our future, Maisayangkat no Oct. 3-4

Maiyaramid ti maysa kadagiti tinawen nga actibidad ti Sagada Environmental Guides Association inton (SEGA) Oct. 3-4.
Daytoy ket ti panagpasyar kadagiti banbantay tapno ammuen dagiti mayat nga pagnaan ken mayat nga ipakita kadagiti tourista.
Dagiti banbantay nga mapasyar iti nasao nga trek ket ti Bantay Tinangdanan, Binandilaan ken
Kas gagangay nga ar-aramiden ti SEGA tunggal annual climb ket ti agmula da kadagiti kaykayo iti banbantay (tree planting).
Daytoy ket kas panangipatungpal iti panggep ti grupo nga panang protektar ken panangipreserba iti aglawlaw.
Ita a tawen, kas parte ti daytoy metlaeng nga actibidad ket dumagas dagiti trekers iti tallo nga pagadalan tapno ited dagiti nasolicit da nga art materials para iti primary grades.
Dagitoy nga pagadalan ket idiay Balugan elm. School, Gutang Elm. School ken Maket-an Elm. School.
Mainayon pay ditoy ti Banguitan Elm. School idiay Besao ngem sabalin to nga aldaw ti papanan da idiay Banguitan
Laksid iti panangiyawat kadagiti art materials, agited metlaeng dagiti trekers iti maimula nga caliandra, ken aglecture da biit kadagiti pagadalan maipanggep iti solid waste management ken panag-aywan iti aglawlaw.
Segun kinni Jerry Gaongen, president ti SEGA, kaspulan nga ipasegepsep ti importansya ti panag aywan iti aglawlaw kadagiti ubbing gapu ta isu da ti mangituloy iti panangprotekta ken panangipreserba iti aglawlaw ken masakbayan tayo. (Igon Doco)

Leave a Reply

Your email address will not be published.