Sagada Livestock and Poultry Raisers Association, Ninbisita isnan Goat farms issan July 4 (Igon Doco)

Inmey ninbisita nan membros di Sagada Livestock and Poultry Raisers Association ya nan trainors da ay nagapu isnan Provincial veterinary office ya nan nagapu isnan Municipal Agriculture office isnan Sagada issan july 4.
Nan panagbisita ay nay et parte nan panag-adal no kas-ano nan usto ay panagtaraken is kalding. Sha na nan maikadwa ay meeting nan men-adadal is panagtaraken is kalding.
Malaksid isnan kalding ay nabisita, naila gedan nan kulungan di kalding tapno maisuro nan gawis ay itsuran nan baey da, tapno masiken da ay gawis ya maiwasan nan panag sakit da.
Tolo ay goat farms nan nabisitan nan trainees ya trainors di goat raisers, id kenda Mr. Johny Bangsoy id Angkileng, Meldor Malabong id Namsong, Ambasing, Ya kenda Mr. Pancho Masfere id Batalao.
Segun isnan inmey nin bisita, kamayatan nan ikakkan nan kulongan Mr. Pancho Masfere ay tuladen nan sumaruno ay mangkayat ay mentaraken is kalding. Maspul ipalpas da nan kulungan sadapay maagtan is talaknen da.
Nabuka nan trainors ya trainees isna poblacion Sagada kalpasan ay inmey da linamanan nan goat milk ay inpalaman da mr ya mrs. Monet masfere id Masfere’s inn and resaurant. (Igon Doco)

Leave a Reply

Your email address will not be published. Required fields are marked *