Nakarit dagiti babbai nga tinmabuno iti panakaselebrar ti aldaw dagiti babbai iti sangalubongan idi kalman, Marso 10 idiay Church of St. Mary the Virgin ditoy Sagada, nga pumaset iti pulika ti panagbalbaliw.
Iti panangibingay ni Mary Umaming iti polika ti panagbalbaliw iti nasao nga aktibidad, kuna na nga ti polika iti pagilian ket nangina nga ay-ayam dagiti babaknang.
Sumagmamano laeng dagiti babbai nga agkankandidato nga makagapu iti panakabaybay-a dagiti pakaseknan ti babbai.
Gapu ditoy ket kinarit na dagiti tinmabuno itandudo ti polika ti panagbalbaliw.
“Aginnadal tayo a kas ti ar-aramiden tayo ita tapno ingato ti kaammuan ken talek tayo iti bagbagi tayo, ken aktibo nga mangikampanya iti “No ti vote buying”, ken ibotos tayo dagiti kandidato nga manginayon iti plataporma da kadagiti pakaseknan dagiti babbai.
Kadatayo metlaeng ti pagurian ti panakaitandudo dagiti agenda tayo nga babbai ken kadatayo nga agrugi ti panagbaliw ti politika kuna ni Umaming.